Skip to main content

Shree Ganpati Atharvashirsha lyrics in Hindi with meaning

Shri Ganapati Atharvashirsha sanskrit lyrics-

ॐ भद्रं कर्णेभिः शृणुयाम देवाः ।
भद्रं पश्येमाक्षभिर्यजत्राः ।।
स्थिरैरङ्गैस्तुष्टुवाङ्ग्-सस्तनूभिः ।
व्यशेम देवहितं यदायूः ।।

स्वस्ति न इन्द्रो वृद्धश्रवा ।
स्वस्ति नः पूषा विश्ववेदाः ।।
स्वस्ति नस्तार्क्ष्यो अरिष्टनेमिः।
स्वस्ति नो वृहस्पतिर्दधातु ।।
ॐ शान्तिः शान्तिः शान्तिः।

ॐ नमस्ते गणपतये ।।1।।

त्वमेव प्रत्यक्षं तत्त्वमसि ।
त्वमेव केवलं कर्तासि ।
त्वमेव केवलं धर्तासि ।
त्वमेव केवलं हर्तासि ।
त्वं साक्षादात्माऽसि नित्यं ।।2।।

ऋतं वच्मि सत्यं वच्मि ।।3।।

अव त्वं माम् ।
अव वक्तारम्।
अव श्रोतारम्।
अव दातारम्।
अव धातारम्।
अवानूचानमव शिष्यम्।

अव पुरस्तरात्।
अव दक्षिणात्तात्।
अव पश्चात्तात्।
अवोत्तरात्तात्।
अव चोर्ध्वात्तात्।
अवोधरात्तात्।
सर्वतो मां पाहि पाहि समन्तात् ।।4।।

त्वं वाङ्मयस्त्वं चिन्मयः।
त्वमानन्दमयस्त्वं ब्रह्ममयः।
त्वंसच्चिदानन्दाऽद्वितीयोऽसि ।
त्वंज्ञानमयो विज्ञानमयोऽसि ।।5।।

सर्वं जगदिदं त्वत्तो जायते ।
सर्वं जगदिदंत्वत्तस्तिष्ठति ।
सर्वं जगदिदं त्वयि लयमेष्यति।
सर्वं जगदिदं त्वयि प्रत्येति ।

त्वं भूमिरापोऽनलोऽनिलो नभः ।
त्वं चत्वारि वाक् परिमिता पदानि ।

त्वं गुणत्रयातीतः ।
त्वं अवस्थात्रयातीतः।
त्वं देहत्रयातीतः।
त्वं  कालत्रयातीतः।

त्वं मूलाधारस्थितोऽसिनित्यं ।
त्वं शक्तित्रयात्मकः।
 त्वं योगिनो ध्यायन्ति नित्यम् ।

त्वं ब्रह्मा त्वं विष्णुस्त्वं ।
रुद्रस्त्वमिन्द्रस्त्वमग्निस्त्वं ।
वायुस्त्वं सूर्यस्त्वं चन्द्रमास्त्वं ।
ब्रह्म भूर्भुवस्सुवरोम्  ।।6।।

गणादिं पूर्वमुच्चार्य वर्णादींस्तदनन्तरम्।
अनुस्वारः परतरः।
अर्धेन्दुलसितम् ।
तारेण ऋद्धम् ।
एतत्तव मनुस्वरूपं ।।7।।

गकारः पूर्वरूपम् ।
अकारो मध्यरूपम्।
अनुस्वारश्चान्त्यरूपम्।
बिन्दुरुत्तररूपम्।
नादस्सन्धानम्।
संहिता संधिः ।।8।।

सैषा गणेशविद्या।
गणक ऋषिः।
निचृद्गायत्रीच्च्हन्दः।
गणपतिर्देवता।
ॐ गं गणपतये नमः ।।9।।

एकदन्ताय विद्महे वक्रतुण्डाय धीमहि।
तन्नो दन्तिः प्रचोदयात् ।।10।।

एकदन्तं चतुर्हस्तं पाशमङ्कुश्धारिणम्।
रदं च वरदं हस्तैर्बिभ्राणं मूषकध्वजम्।
रक्तं लंबोदरं शूपकर्णकं रक्तवाससम् ।
रक्तगन्धानुलिप्ताङ्गं रक्त्पुष्पैस्सुपूजितं ।

भक्तानुकम्पिनम् देवं जगत्कारणमच्युतम् ।
आविर्भूतं च सृष्ट्यादौ प्रकृतेः पुरुषात्परम् ।
एवं ध्यायति यो नित्यं स योगी योगिनां वरः ।।11।।

नमो व्रातपतये ।
नमो गणपतये ।
नमः प्रथमपतये ।
नमस्तेअस्तु लम्बोदरायैकदन्ताय।
विघ्ननाशिने शिवसुताय वरदमूर्तये नमः ।।12।।

एतदथर्वशीर्षं योऽधीते स ब्रह्मभूयाय कल्पते ।
स सर्वविघ्नैर्न बाध्यते ।
स सर्वत्र सुखमेधते ।
स पञ्चमहापापात्प्रमुच्यते।

सायमधीयानो दिवसकृतं पापं नाशयति ।
प्रातरधीयानो रात्रिकृतं पापं नाशयति ।
सायं प्रातः प्रयुञ्जानो पापोऽपापो भवति।
सर्वत्राधीयानोऽपविघ्नो भवति ।
धर्मार्थकाममोक्षं च विन्दति ।।13।।

इदमथर्वशीर्षमशिष्याय न देयम् ।
यो यदि मोहाद्दास्यति स पापीयान् भवति ।
सहस्रावर्तनाद्यम् यं काममधीते तं तमनेन साधयेत् ।।14।।

अनेक गणपतिमभिषिन्चति स वाग्मी भवति ।
चतुर्थ्यामनश्नन जपति स विद्यावान् भवति ।
इत्यथर्वणवाक्यम् ।
ब्रह्माद्यावरणं विद्यान्न विभेति कदाचनेति ।।15।।

यो दुर्वाङ्कुरैर्यजति स वैश्रवणोपमो भवति ।
यो लाजैर्यजति स यशोवान् भवति ।
स मेधावान भवति ।
यो मोदकसहस्रेण यजति स वाञ्छितफलमवाप्नोति ।
यस्साज्यसमिद्भिर्यजति स सर्वं लभते स सर्वं लभते ।।16।।

अष्टौ ब्राह्मणान सम्यग् ग्राहयित्वा सूर्यवर्चस्वी भवति ।
सूर्यग्रहेमहानद्याम्  प्रतिमासंनिधौ वा जप्त्वा सिद्धमन्त्रो भवति ।
महाविघ्नात प्रमुच्यते ।
महादोषात् प्रमुच्यते ।
महाप्रत्यवायात् प्रमुच्यते ।
स सर्वविद् भवति स सर्वविद् भवति।
य एवं वेद ।
इत्युपनिषत् ।।17।।
ॐ शान्तिः शान्तिः शान्तिः ।

Related Posts-
Shri Ganesh Chalisa
Ganesh Ji Ki Arti
Shiv Tavdav Stotram in Sankrit